wikipedia frisia

ferdigigning nr.23 en beskermje

ferjitte wurd; poëzij ût Fryslân

GEFOEL VAN LOK

DO SOCHTEST FOAR MY HJOED FAN DY MOAIE FINNEBLOMKES,

DE STÂLTJES FIERSTE KOART, MAR OCH DAT HINDERT NET.

iK HA SE ÚT DYN LYTSE WAARME HANTJES KRIGE,

GAU YN 'N BEHINDICH FAASKE MEI WAT WETTER SET.

OP DAT STUIT BLOEIDE HIEL DE WRÂLD FOAR MY WIID IEPEN.

IN DJIP GELOKSGEFOEL TROCHSTREAMDE DOE MYN HERT.

SA'N AMERIJ IS MEI GJIN GOUD EA TE BETELJEN,

MOMENTEN YN JINS LIBBEN DY'T MEN NEA FERJIT.

ANNEKE V.D.WOUD-REIDING

SIMMER

OPTEINE TROMPETTEN

BLAZE REVEILLE

DISSONANTE SKADEN

WINE TEBEK

FOAR DE TRIOMFMARS

VAN HET LJOCHT

WRÂLD EN SINNE

TRUNE ELKOAR

TA DJIPKLEURIGE

FRIJAAZJES

DEIDREAMEND

ÛNDERGEANE

TERP EN DOARP

BETSJOENENDE

FARIAASJES

OP IN

HERTFERWAARMJEND

TEMA

FOLKERT VERBEEK

UT: TERPDOARPKWARTET

LOK

IN BERNTSJE RÛN IN FLINTER NEI,

DY'T SITTEN GYNG OP ALLE BLOMMEN;

MAR, TOCHT ÚS MAAT HIM BENEI TE KOMMEN,

DÊR FLODDERE DE FLINTER WER FLEURICH WEI.

MAR GJIN BELIES JOECH DAT KRIGELE BERN:

'WIE 'T FAAK AL MIS', SA TOCHT ER, 'LETTER

PAK IK DY, FLUGGE FLINDER, WOL BETTER'-

HIJ TAASTE-DE REED WIE WER FERLERN.

AL FIERDER EN HEGER DE FLINDER FLEACH,

OER IN DJIPPE KÛLE ... BOI SEACH YN 'E HICHTE,

MURK DE KÛLE NET- WAARD WEI YN 'E LICHTE,

WYLST DY LOKJENDE FLINDER DE LOFT YNTEACH.

SA BISTO, O LOK! WY SKRIPPE OM DY,

WY HOOPJE OP DY ÛNDER LÊST EN LIJEN

EN MIENE DY IENKEAR WOL TE KRIJEN,

EN FERJIT' DÊR GRÊF FOAR ÚS FUOTTEN BY,

EN FALLE DÊRYN!...MAR AL WIE DAT SA NET:

AL MOCHT EK IENKEAR ÚS TABEHEARRE,

WY SOENE DAT MOAIE LOK BEDJERRE,

LYK AS 'T BERN, DAT IN FLINTER YN HANNEN HET.

PITER JELLES TROELSTRA (1860-1930)

UT: SAMLE FERSEN.